Shefket Hasani, një nga komandantët e parë të ish-UÇPMB-së në një intervistë ekskulzive për INA flet për zhvillimet në rajonin e Luginës së Preshevës... Ish-komandanti i Ushtrisë Çlirimtare për Preshevën, Medvegjën dhe Bujanocin, Shefket Hasani në një intervistë për agjencisë e lajmeve INA thotë situata aktuale në Luginën e Preshevës është shumë e rëndë dhe tmerruese. Ai thotë se Beogradi, po mundohet dhe po i bënë presion të madh qytetarëve autokton që janë në këto treva shqiptare. “Pushka është krisur kundër padrejtësive, kundër robërisë dhe e kemi pasur të drejtën e revoltës. Kërkoj nga Beogradi zyrtar, që po thirret si properendimor, që neve shqiptarëve autokton të Kosovës Lindore, të mos na pengojë, të mos na maltretoj sikur dikur Millosheviqi, nëse vazhdon kështu, atëherë do të bëjmë shpejt ate që duhet ta bëjmë. Kjo është reale dhe këtë duhet ta dijë i gjithë opinioni”, theksoi komandanti i parë Shefket Hasani.

Presidenti i Shteteve të bashkuara të Amerikës George W. Bush flet për tolerancën reale të shqiptarëve të besimit musliman: “shqiptarët janë njerëz myslimanë që mund të jetojnë në paqe” A.H (*)
Nëpërmjet intervistës me gazetarin Andi Bejtja, Presidenti Bush, na tha një të vërtetë të thjeshtë: “shqiptarët janë njerëz myslimanë që mund të jetojnë në paqe”. Por bëri mirë që e tha, se një takëmi këndej pari, një kontingjent nga e vjetra, ka nja 17 vjet që na përrallis, hëm që nuk qenkemi aq shumë myslimanë, dhe hëm që qenka një e keqe e madhe të jesh mysliman, sepse si të tillë nuk na lënkan të hymë në Evropë. Amerikançe, pra shkurt e saktë, rezultoi se ky kontingjenti ia fut kot. Natyrisht që Presidenti e di mirë që Shqipëria është një shtet laik, dhe se ka shumë të krishterë (ortodoksë dhe katolikë), dhe edhe se ka shumë ateistë—si mund të mos ketë shumë, pas 45 vjetëve komunizëm! Presidenti thjeshtë po thekson një fakt që ai e konsideron të rëndësishëm, dhe e tha troç: shumica e shqiptarëve janë myslimanë paqësorë! Ca sofistë, gjithë këto 16 vjet, pas vitit 1991, po sfiliten të na bëjnë me turp se jemi shumica myslimanë. Ata janë një kontingjent snobësh, redaktorësh e kalemxhinjsh, kryesisht nga ata të komunizmit, nga ata që patën dështuar në zhdukjen e të gjitha feve, gjatë viteve 1967-90. Për zgjidhjen tërësore të “problemit mysliman”, kontingjenti ndoqi dy rrugë: e para, ajo e mohimit të faktit se shumica e shqiptarëve janë myslimanë; e dyta, ajo e konvertimit të shqiptarëve në jomyslimanë, qoftë makar në ateistë.

Intervistë me Adem Demaçin
Edhe po qe se Kosova bëhet e pavarur, unë do të jem ithtar i projektit Ballkania...

Në këtë intervistë Nelson Mandela i Kosovës flet ekskluzivisht për bashkimin kombëtar dhe për projektin e tij Ballkania. Ai është i bindur se Ballkania nuk është projekt i dëmshëm. Shqiptarët nuk kanë kapacitet që ta kuptojnë këtë projekt – thotë simboli i rezistencës kombëtare, Adem Demaçi. Bile-bile, ai thotë se edhe pasi që Kosova të bëhet e pavarur, do të jetë edhe më tutje ithtar i projektit Ballkania…