Kreuzlingen, 20.06.2010
Sot në Kreuzlingen të Zvicrës në një atmosferë shumë të përzemërt e festive u bë hapja solemne e „Qendrës Shqiptare për Kulturë dhe Integrim“-QSHKI. Programin e hapjes solemne të kësaj Qendre Shqiptare e udhëhoqën veprimtarët dipl.-Ing. Ahmet Asani kryetar i shoqatës „Bashkësia Shqiptare në Zvicër“-BSHZ, përgjegjësi i “Qendrës Shqiptare për Kulturë dhe Integrim”- QSHKI Z.Tomë Berisha dhe përgjegjësi i kësaj Qendre për kulturë Z. Rrustem Selca.

Zvicër-Arbon, 30.04.2010
Të nderuar bashkatdhetar,
Zonja dhe zotëri,

Në qytetet e kantonit Thurgau të Zvicrës, që gjinden për rreth bregut të bukur të liqenit të Bodanit si Kreuzlingeni, Romanshorni, Arboni e Rorschach-i, u krye me sukses aksioni humanitar: “NDIHMË FAMILJEVE TË DËMTUARA NGA VËRSHIMET NË SHQIPËRI”
Dorëzimi i mjeteve të mëposhtme do të bëhet javën që vjen në Shqipëri nga Kryetari i shoqatës “Bashkësia Shqiptare në Zvicër” Z. Ahmet Asani. Pritet që gjatë kesaj vizite të ketë takime me zyrtarë të Qeverisë Shqiptare në Tiranë dhe Shkodër.

Të nderuara Zonja, Zotërinj të nderuar,
Në emrin tim dhe në emër të shoqatës “Bashkësia Shqiptare në Zvicër” gjithë shqiptarëve në atdhe dhe kudo që janë në botë ju urojmë 17 shkurtin ditën e pavarësisë së Kosovës.
Me këtë rast përkujtojmë gjithë dëshmorët e rënë për lirinë e Kosovës. Lavdi jetës dhe veprës së tyre!


Përshëndesim gjitha familjet e dëshmorëve, përshëndesim invalidët dhe veteranët e luftës dhe gjithë plejadën e veprimtarëve shqiptar si në atdhe ashtu dhe në diasporë.
Shfrytëzojmë nga rasti që ti përshëndesim gjithë ata që janë duke festuar ose janë bëre gati këtë fundjavë për të festuar. Përshëndeism gjitha shoqatat shqipatre, klubet, Bashkitë e Bashkësistë Shqiptare nëpër qytete e kantone të Zvicër. Përshëndesim gjithë bashkatdhetarët tanë që me rastin e dyvjetorit të pavarësisë së Kosovës gjenden për të festuar në Kosovë.
Urojmë që Kosova të forcohet ekonomikisht, të stabilizohet e drejtohet edhe më tepër politikisht.
Urojmë që gjatë vitit 2010 numri i njohjeve të pavarësisë së Kosovës ta kaloj numrin 100!

“Bashkësia Shqiptare në Zvicër” në mbledhjen e jashtëzakonshme të datës 10.01.2010 për shkak të situatës emergjente në Shqipëri, të krijaur si rezulat i vërshimeve masive në qytetet Shkodër e Lezhë me rrethina, me qëllim për t`i ndihmuar vëllezërit e motrat tona në Shqipëri thërret AKSION HUMANITAR GJITHËKOMBËTAR

NDIHMË FAMILJEVE TË DËMTUARA NGA VËRSHIMET NË SHQIPËRI

Ftojmë gjithë shqiptarët me punë dhe qëndrim në Zvicër, shoqatat, klubet, bashkësitë fetare,
intelektualët, shoqëritë afariste, firmat shqiptare donatorët individual e institucional pa dallim moshe, gjinie, krahine e feje që të kontribuojnë në këtë aksion humanitar gjithëkombëtar.

Shtype lexo më shumë...

I nderuari President i Shqipërisë zotëri Bamir Topi
I nderuari Kryeminister zotëri Sali Berisha
Të nderuar vëllezër të nderuara motra të Shqipërisë amë,

Me rastin e vërshimeve që kanë kapluar një pjesë të trollit të Shqipërisë kryesisht Shkodrën me rrethinë dhe Lezhën me rrethinë , shprehim shqetësimet tona të sinqerta vëllazërore.
Në Kryesi të shoqatës tonë na kanë arritur shkresa, E-mailë, telefonata e SMS, ku lutemi të shprehim shqetsimin tonë dhe gatishmërinë tonë për ndihmë si diasporë shqiptare në Zvicër.
Me këtë rast në emrin tim personal, në emër të gjithë anëtarëve të shoqatës tonë, në emër të gjitha shoqatave, klubeve e firmave shqiptare që bashkëpunojnë me “Bashkësinë Shqiptare në Zvicër”-BSHZ, në emër të gjithë intelektualëve e simpatizantëve të shumtë, shprehim keqardhejn tonë të thellë dhe gatishmërinë tonë për ti bashkuar gjitha forcat për ndihmë humane e vëllazërore.